طالبلرنینگ جوزجان ولایتی امنیه قوماندانلیگی فیض آباد اولسواللیگیده ۱۵ یاشلی بیر اۉسمیر آتیب اۉلدیریلگنینی معلوم قیلدی.
طالبلرنینگ جوزجان ولایتیدهگی امنیه قوماندانلیگی سۉزلاوچیسی عبدالستّار حلیمي، اوشبو اۉسمیر تیناوون (چهارشنبه،۱۶ثور) فیض آباد تومنی مرکزیده اۉلدیریلگنینی ایتدی.
اونینگ قۉشیمچه قیلیشیچه، بو اۉسمیرنینگ اسمی نورالدین بۉلیب، او چاروا سهقلنهدیگن جایده اۉقاتر قورال بیلن هجومگه اوچرهب، هلاک بۉلگن.
طالبان امنیه قوماندانلیگی مطبوعات سۉزلاوچیسی اوشبو قاتللیک بیلن باغلیق حالده فیض آباد اولسواللیگینینگ اوچ نفر فقراسی قۉلگه آلینگنینی بیلدیرگن.
حاضرگچه بو قاتللیکنینگ سببب انیقلنمهگن.
بو جوزجان ولایتیده سۉنگگی۲۴ ساعت ایچیده قید اېتیلگن ایکّینچی قاتللیک حالتی دیر. بوندن اوّل اوشبو ولایتنینگ آقچه تومنیده بیر ییگیت پیچاقلهنیب اۉلدیریلگنی و بو ایش بۉییچه ایکّی کیشی حبسگه آلینگنی حقیده خبر بېریلگن اېدی.
