طالبلرنینگ پنجشیر ولایتیدهگی والی ادارهسینینگ معلوم قیلیشیچه، اوشبو ولایت کانلریدن قزیب آلینگن اوچ مینگ ۱۸۵ قیراط زمرد ۱۱ میلیون۶۶۹ مینگ۸۷۶ افغاني قیمتیده ساتیلگن.
پنجشیر ولایتی والیسینینگ مطبوعات سۉزلاوچیسی سیفالدین لتون، بو مقداردهگی زمرد بوگون (سهشنبه، ۱۵-ثور) آچیق سودا آرقهلی ساتیلگنینی ایتدی.
اونینگ ینه قۉشیمچه قیلیشیچه، اوشبو زمردلر سۉنگگی ایکّی هفته دوامیده پنجشیرنینگ حصه اوّل و پریان اولسواللیکلری کانلریدن قزیب آلینگن.
طالبلر افغانستانده ینه حاکمیتنی قۉلگه آلگنیدن بېری پنجشیر زمرد کانلرینی منتظم روشده قزیب آلیب، محصولاتلرینی ساتیب کېلماقده. اولرنینگ ایتیشیچه، پنجشیر زمردلری سوداسیدن توشگن مبلغ نینگ۱۰ فایزی طالبلرگه تېگیشلی بۉلیب، قالگن قِسمی شرطنامه اساسیده ایشلهیاتگن شرکتلرگه بېریلهدی.
