طالبلرنینگ بغلان ولایتی امنیه قوماندانلیگینینگ معلومات بېریشیچه، بغلان ولایتیده۱۰ جریبدن آرتیق کۉکنار اېکیلگن میدانلر پولیس کوچلری تامانیدن یۉق قیلینگن.
اوشبو قوماندانلیک بوگون (دوشنبه،۱۴ ثور) نشر قیلگن بیاناتیده، دهصلاح اولسواللیگیده۷.۵جریب و بغلان مرکزي تومنیده۳ جریب کۉکنار اېکینی یۉق قیلینگنی ایتیلگن.
طالبلرنینگ بغلانده امنیه قوماندانلیگی اوشبو تدبیر «جماعت سلامتلیگینی تأمینلش، عمومي خوفسیزلیکنی سقلش و بغلان ولایتیده گیاهوند مادّهلر ایشلب چیقریش همده ترقهلیشینینگ آلدینی آلیش» مقصدیده عملگه آشیریلگنینی بیلدیرگن.
شونینگدېک، اوشبو قوماندانلیک ولایتده گیاهوند مادّهلر اېکینیگه و قاچاقیگه قرشی کورهش دوام اېتیشینی و کۉکنار اېکینلرینینگ کېنگهییشیگه یۉل قۉییلمسلیگینی تأکیدلهگن.
طالبان جاري ییل دوامیده باشقه ولایتلرده، جملهدن بدخشانده هم کۉکنار میدانلری یۉق قیلینگنی حقیده خبر بېرگن.
بیراق بو گروه 2021-ییلده قَیته حاکمیتگه کېلگنیدن بېری بیر نېچه بار افغانستانده کۉکنار اېکینی دېیرلی صفرگه توشیریلگنینی و گیاهوند مادّهلر ایشلب چیقریش همده تجارتیگه قرشی قطعي کورهش آلیب بارهیاتگنینی دعوا قیلیب کېلهدی.
