بریتانیانینگ افغانستان بۉییچه مخصوص وکیلی ریچارد لیندسی، کابلده طالبلر رسميلری بیلن اوچرهشوولریده پاکستان بیلن کېسکینلیکنی کمهیتیریشنی سۉرهگنینی ایتدی.
بریتانيا مخصوص وکیلی کابلگه سفرینی یکونلب، ایکس اجتماعی ترماغیده یازیشیچه، او افغانستانده قیزلرنینگ مکتبلرگه قَیتیشی و عیاللرگه ایشلشگه رخصت بېریلیشینی هم طلب قیلگن.
او ینه محلي عامهوي اخبارات واسطهلرینینگ «حیاتي مهم ایش فعالیتی»نی کۉرگنینی همده بریتانيانینگ افغانستان ملکی جمعیتینی قۉللب-قوّتلشینی تأکیدلهگن.
ریچارد لیندسی کابلگه سفری دوامیده طالبلر تشقی ایشلر وزیری امیرخان متقی باش وزیری اقتصادی اۉرین باسری عبدالغنی برادر و باش وزیری ریاست دفتری باشلیغی ملا عبدالواسع بیلن اوچرهشیب مذاکره اۉتکزگن.
طالبان باش وزیری ریاست دفتری باشلیغی ریچارد لیندسی بیلن اوچرهشووده ایتیشیچه، اگر پاکستان ماجرانی توگهتیش اوچون بیر قدم تشلهسه، طالبان ایکّی قدم تشلهیدی.
طالبان و پاکستان اۉرتهسیدهگی تۉقنهشوولر ایکّی آیدن آرتیق دوام اېتماقده. تورلی مملکتلرنینگ واسطهچیلیک سعی-حرکتلریگه قرهمهی، حاضرگچه تامانلر ماجرانی تۉلیق توگهتیش بۉییچه کېلیشووگه اېریشمهگن.
