منبعلرنینگ ایتیشیچه، کنر ولایتیده پاکستاننینگ تونگی راکت هجوملری عاقبتیده «خاص کنر» و «سرکانو» اولسواللیکلریده کمیده ۳ کیشی جان بېرگن، ینه۱۲ کیشی جراحت آلگن.
منبعلرگه کۉره، هجوملر تیناوون تونده باشلنگن و بوگون (چهارشنبه،۹ثور) تانگگچه دوام اېتگن.
اولرنینگ بیلدیریشیچه، اوشبو حدودلرگه راکت ضربهلری دوام اېتهیاتگنی سببلی یوزلب عایلهلر اۉز اویلرینی ترک اېتیب، کۉچیشگه مجبور بۉلگن.
بو هجوملر ایکّی کون اوّل اسعدآباد شهریدهگی کنر بیلیم یورتی همده دانگام، شلتن، سرکانو و منوری تومنلریگه اویوشتیریلگن ضربهلردن سۉنگ صادر بۉلگن.
طالبان معلوماتلریگه کۉره، اوّلگی هجوملرده کمیده۷ کیشی جان بېرگن و۹۰ دن آرتیق کیشی جراحتلنگن.
