طالبلر کانلر و پترولیم وزیرلیگی آمو دریا نفت کانی حدودیدهگی زمردسای میدانیده، جوزجان ولایتی قوشتېپه اولسواللیگیده بېشته ینگی قودوقدن نفت قزیب آلیش باشلنگنینی معلوم قیلدی.
طالبلرنینگ کانلر و پترولیم وزیرلیگی سۉزلاوچیسی همایون افغاننینگ ایتیشیچه، اوشبو قودوقلردن نفت قزیب آلیش دوشنبه (۷-ثور) کونی طالبان باش وزیری نینگ اقتصادي اۉرینباسری عبدالغنی برادر اشتراکیده باشلنگن.
اونینگ قۉشیمچه قیلیشیچه، بو قودوقلردن کونیگه ۵۰۰متر مکعب نفت قزیب آلینهدی.
آمو دریا نفت حوزهسی افغانستان نینگ شمالي قِسمیدهگی سرپل، جوزجان و فاریاب ولایتلریده جایلشگن بۉلیب، او قشقری، زمردسای، انگوت، آق دریا و خۉاجه برهان کبی نفت و گاز کانلرینی اۉز ایچیگه آلهدی.
طالبان قَیته حاکمیتنی اېگهلهگنیدن سۉنگ، اوشبو حوزهده نفت قزیب آلیشنی باشلهگن و حاضرگچه بو حدوددن قزیب آلینگن مینگلب تُن خام نفت ساتیلگن.
