طالبلر باش وزیرینینگ اقتصادي مسألهلر بۉییچه اۉرینباسری دفتری مملکت شِمالیدهگی جوزجان ولایتیده جایلشگن «یتیم تاق» سمنت (فابریکه)سی قوریلیشی باشلنگنینی معلوم قیلدی. اوشبو لایحه تورکيهنینگ «۷۷» شرکتی تامانیدن۱۶۰ میلیون دالر سرمایه اساسیده عملگه آشیریلماقده.
رسمي بیاناتده ایتیلیشیچه، (فابریکه) قوریلیشینینگ باشلنیش مراسمی بوگون (دوشنبه، ۷ثور) طالبان باش وزیرینینگ اقتصادي مسألهلر بۉییچه اۉرین باسری عبدالغنی برادر اشتراکیده اۉتکزیلگن.
برادر اوشبو لایحه ایچکی صنعتنی رواجلنتیریش، وارداد قرهملیکنی کمهیتیریش و مملکت اقتصادي اۉسیشیگه مهم حصه قۉشیشینی تأکیدلهگن.
اونینگ سۉزلریگه کۉره، طالبان ایچکی ایشلب چیقریشنی کوچهیتیریشگه علیحده اعتبار قرهتماقده و خام اشیانی صادر قیلیش اۉرنیگه، اونی مملکت ایچیده قَیته ایشلش امکانیتلرینی یرهتیشگه اینتیلماقده.
شونینگدېک، او خلق ارا همجعیتنی طالبان بیلن رسمي اقتصادي علاقهلر دایرهسیده همکارلیک قیلیشگه چقیرگن.
او گوبل و منطقوي درجهده سیاسي و اقتصادي باسیمنی کوچهیتیریش، چېکلش سیاستینی دوام اېتتیریش همده چېکلاولر جاري اېتیش معمالرنی حل قیلمسلیگینی، عکسینچه تهدیدلرنی کوچهیتیریب، منطقوي و خلق ارا همکارلیک درجهسینی پسهیتیریشینی تأکیدلهگن.
رسمي معلوماتلرگه کۉره، «یتیم تاق» سمنت (فابریکه)سی قوریب بیتکزیلگچ، کونیگه اوچ مینگ تُن سمنت ایشلب چیقریش قوّتیگه اېگه بۉلهدی همده بېواسطه و بالواسطه۵مینگ کیشینی ایش بیلن تأمینلهیدی. مذکور لایحهنی قوریب بیتکزیش ایکّی ییل ایچیده رېجهلشتیریلگن.
