طالبلر عالي محکمهسینینگ معلوم قیلیشیچه، جاري هجري ییل نینگ سۉنگگی اوچ آییده عیاللر حقلریگه عاید تۉرت مینگ ۲۱ ته ایش کۉریب چیقیلگن.
بوگون (یکشنبه،۶-ثور) عالی محکمهنینگ نشر قیلگن بیاناتیده ایتیلیشیچه، بو ایشلر عیاللرنینگ میراث حقوقی، ملک حقوقی همده ملک حجتلرینی عیاللر نامیگه رسميلشتیریش بیلن باغلیق بۉلگن.
محکمه معلوماتیگه کۉره، اوشبو ایشلرنینگ بیر مینگ ۲۷۵ تهسی ملک و میراثگه، ایکّی مینگ۴۶۲ تهسی مَهر بېلگیلنگن عیاللر نامیگه ملک حجتینی رسميلشتیریشگه،۲۸۴تهسی اېسه عیاللر نینگ ملک و میراث حجتلرینی آلیشیگه تعلقلی بۉلگن.
بیراق طالبان۲۰۲۱ییلده حاکمیتنی قَیته اېگهلهگنیدن بېری عیاللر نینگ اساسي حقوقلریگه نسبتاً کېنگ چېکلاولر جاري اېتگن.
اولر قیزلر نینگ۶-صنفدن یوقاری تعلیم آلیشینی منع قیلگن، بیلیم یورتلری و طبیات انستیتوتلرینی عیاللر اوچون یاپگن، شونینگدېک عیاللر نینگ دولت ادارهلری، محلي و خلق ارا نادولت تشکیلاتلر همده بیرلشگن ملتلر تشکیلاتی ادارهلریده ایشلشینی منع اېتگن. عیاللر نینگ جمعیتدهگی اشتراکی هم کېسکین چېکلنگن.
