هند تشقی ایشلر وزیرلیگی سۉزلاوچیسی راندیر جایسوال طالبان و پاکستان اۉرتهسیده یوز بېرگن توقنشووگه عکسالعمل کۉرستیب «هند افغانستاننینگ حاکمیتی، یېر بوتونلیگی و مستقللیگیگه بوتونلهی متعهد» دېگن.
بو بوگون (پنجشنبه ۲۴ میزان) خبری بیر ییغینده افغانستان و پاکستان چېگرهسیدهگی اۉزگریشنی یقیندن کوزهتیب تورگنلرینی تیلگه آلدی.
هندلیک بو بلند مرتبهلی رسمینینگ قۉشیمچه قیلیشیچه، پاکستان تروریستی تشکیلاتلرگه میزبانلیک و تروریستی فعالیتلرنی حمایت قیلهدی و هر دایم ایچکی مغلوبتی اوچون قۉشنینلرینی ملامت قیلهدی.
او، پاکستان، افغانستان اۉز یورتیگه حمایتگه اېریشگنیدن غضبلنگن دېب قۉشیمچه قیلگن.
شونینگدېک راندیر جایسوال هندنینگ افغانستانده دیپلماتیک ماموریتی وضعیتی اۉزگرگنی بارهسیده بېریلگن سوالگه فنی نمایندهلیک سفارتگه کۉتریلیشی کېلگوسی نېچه کونده عملگه آشیریلهدی دېدی.
هند، طالبان تشقی ایشلر وزیری امیرخان متقی ینگی دهلیگیگه سفر قیلیشی بیلن کابلده فنی ماموریتینی سفارتگه کۉتریشینی اعلان قیلدی.
متقینینگ هندگه سفر قیلیشی بیلن پاکستان افغانستان توپراغینینگ ایریم قسملریگه هجوم قیلدی و بو موضوع اېسه طالبلر بیلن جنجال و توقنشووگه سبب بۉلدی.
اوشبو هفتهنینگ باشللریده طالبان و پاکستانلیک حربیلر اۉرتهسیده چېگره منطقهلر قۉشیمچه شرقی و جنوبی ولایتلرده توقنشوو جریانی بار. هر ایکّی تامان اۉتگن کون آتیش کېسین اعلان قیلدیلر.
پاکستان باش وزیری شهباز شریف دایمی آتیش کېسین اوچون توپ افغانستان میدانیده دېگن.
جیونیوزنینگ گزارش قیلیشیچه، شریف بوگون فدرال کابینهسی نینگ ییغینیده چېگره جنجاللری بارهسیده اشاره قیلیب پاکستان افغانستانده طالبلر رژیمی بیلن معقول شرایط ده مذاکره قیلیشده تیار.
شهباز شریف، طالبلر هندنینگ بویروغی بیلن سۉنگی کونلرده پاکستانگه هجوم قیلگنینی تیلگه آلگن.
