ننگرهار ولایتیده محلي منبعلرگه کۉره، ایکّی ترافیک حادثهسی عاقبتیده ۱ کیشی جان بېرگن ینه ۶کیشی یرهلنگن.
منبعلرنینگ ایتیشیچه، بیرینچی حادثه تیناوون (جمعه،۴-ثور) بهسود اولسواللیگینینگ «پول سراچه» منطقهسیده یوز بېریب، اونده۱ کیشی جان بېرگن و۳ کیشی جراحتلنگن. اوشبو حادثه یېنگیل موترنینگ یۉلدن چیقیب کېتیب، اغدریلیب کېتیشی نتیجهسیده یوز بېرگن.
ایکّینچی حادثه هم تیناوون غنی خیل اولسواللیگینینگ «ویالی ۲۷» منطقهسیده روی بیرگن و اونده ۳ کیشی جراحت آلگن. منبعلرگه کۉره، «کرولا» روسوملی موتر یوقاری تېزلیک سبب یۉلدن چیقیب، اغدریلیب کېتگن.
طالباننینگ ننگرهاردهگی محلي رسميلری حاضرچه اوشبو حادثهلر یوزهسیدن ایضاح بېرمهگن.
افغانستانده ترافیک حادثهلری هر ییلی یوزلب آدملرنینگ حیاتیگه ضامن بۉلهدی و ینه یوزلب کیشیلر جراحتلنهدی. بوندهی حادثهلرنینگ اساسي سببلری صفتیده هیداوچیلرنینگ احتیاطسیزلیگی، یۉللرنینگ یامان حالتی و یۉل بېلگیلرینینگ یېتیشمسلیگی کۉرسهتیلهدی.
