طالبلرنینگ بادغیس ولایتیدهگی والی ادارهسینینگ معلوم قیلیشیچه، ولایت مرکزی قلعه نو شهرینینگ «باغک» منطقهسیده یوز بېرگن یېر کۉچیشی عاقبتیده ۵ کیشی قیز باله جان بېرگن ینه ۲کیشی جراحت آلگن.
حادثه بوگون (شنبه، ۵-ثور) تانگ ساعت ۳:۳۰اطرافیده صادر بۉلگن. حاکملیک بیاناتیگه کۉره، قربانلرنینگ تۉرتتهسی وایهگه یېتمهگن بالهلر، بیری اېسه یاش بۉلگن.
طالبان نظارتیدهگی «ملی تلویزیون» اېسه اۉز خبریده قربانلر نینگ یاشی۵ یاشدن۱۷یاشگچه بۉلگنینی، اولردن تۉرت کیشیسی بیر عایلهگه منسوب اېکنینی یازگن.
سۉنگگی بیر آی ایچیده کوچلی یامغیرلر سبب مملکتنینگ تورلی ولایتلریده شونگه اۉخشش کۉپلب طبيعي آفتلر قید اېتیلگن. سېل و کوچلی یاغینگرچیلیکلر نتیجهسیده کتّه مقدارده انساني و مادّي ضرر یېتگن.
طالبان معلوماتلریگه کۉره، شو دور ایچیده کمیده ۲۱۴کیشی طبيعي آفتلر عاقبتیده هلاک بۉلگن، ۳۰۰دن آرتیق کیشی اېسه جراحت آلگن.
