افغانستاندهگی اروپا اتفاقی وکالتخانهسی اوشبو اتفاق یقینده یوز بېرگن تاشقینلردن ضرر کۉرگنلرگه یاردم بېریش اوچون ۱۷۵ مینگ یېورو مقداریده انسانپرورلیک مالی یاردم اجرهتگنینی اعلان قیلدی.
وکالتخانه بوگون (پنجشنبه، ۳-ثور) اعلان قیلگن بیاناتیده اوشبو یاردم بادغیس، فراه، غور، هلمند، هرات، قندهار، لوگر و ارزگان ولایتلریدهگی قریب ۱۲۰ مینگ کیشینی قمرهب آلیشینی بیلدیردی.
اروپا اتفاقی وکالتخانهسی معلومنینگ قیلیشیچه، افغانستان قیزیل یریم آی جمعیتی اوشبو مبلغ یاردمیده جبرلنگنلرگه نقد پول کۉمهگی همده چادر، ادیال و باشقه ضرور اوی-روزگار بویوملری کبی فوق العاده باشپناه واسطهلرینی تقدیم اېتهدی.
شونینگدېک، بیاناتده تازه ایچیملیک سووی و بیرلمچی طبي خدمتلردن فایدهلنیش امکانیتی هم اوشبو یاردم آرقهلی تأمینلنیشی کوتیلهیاتگنی قید اېتیلگن.
وکالتخانه اوشبو یاردم اروپا اتفاقینینگ خلقارا قیزیل خاچ و قیزیل یریم آی جمعیتلری فدراسیونینینگ فوقالعاده حالتلرگه جواب بېریش جمغرمهسیگه اجرهتگن عمومي یاردمی دایرهسیگه کیریشینی تأکیدلهدی.
اۉتگن آی افغانستاننینگ تورلی ولایتلریده کوچلی یاغینگرچیلیک و تاشقینلر کوزهتیلگن اېدی.
معلوماتلرگه کۉره، اوشبو آفتلر عاقبتیده۱۷۹ دن آرتیق کیشی هلاک بۉلگن،۷ مینگدن زیاد اوی اېسه قسماً یاکه تۉلیق ویران بۉلگن.
