بیرلشگن ملتلر تشکلاتینینگ افغانستان انسان حقلری بۉییچه مخصوص گزارشگلری ریچارد بنت، اروپا اتفاقینینگ طالبان رسميلرینی افغانستانلیک مهاجرلر چیقاریلیش مسألهسی بۉییچه مذاکرهلرگه قبول قیلگنی حقیدهگی خبرلرنی کېسکین تشویشلی دېب اتهگن.
او بوگون (چهارشنبه۲ ثور) ایکس اجتماعی ترماغیگه یازیشیچه: «انسان حقوقلرینینگ کېنگ کۉلملی بوزیلیشی، جملهدن عیاللر، انسان حقوقلری حمایهچیلری و سابق حکومت خادملریگه قرشی حالتلر طفیلی هر قندهی قَیتریش «مجبوري قَیترمسلیک» اصولنی بوزیش خوفینی توغدیرهدی.»
فرانسه خبرگزارلیگینینگ خبریگه کۉره، کېلگوسی هفتهلرده طالباندن عبارت تخنیکي هیئت اروپا اتفاقی بیلن مهاجرلر مسألهسینی محاکمه قیلیش اوچون بروکسلگه باریشی رېجهلشتیریلگن.
حساباتگه کۉره، بو سفر اروپا کمیسیونی و اَیریم اعضا دولتلر تامانیدن موافقلشتیریلماقده، بیراق حاضرچه طالبان هیئتیگه رسمي پیشنهاد یوباریلمهگن.
اروپا دولتلری، اینیقسه جنایت صادر اېتگن دېب حسابلنگن مهاجرلرنی افغانستانگه قَیتریش یۉللرینی ایزلهماقده. آلمان اېسه الّهقچان بو جریاننی باشلب، بعضی مهاجرلرنی طالبان بیلن تۉغریدن-تۉغری کېلیشیلگن حالده دېپورت قیلگن.
