جهان ساغلیقنی سقلش تشکیلاتینینگ معلوم قیلیشیچه، بلخ ولایتیده۵۵ کیشی طبیات خادمی، جملهدن۴۳ کیشی عیال، یوقوملی بۉلمهگن کسللیکلرنی اېرته انیقلش و یۉنهلتیریش بۉییچه اۉقیتیلگن.
اوشبو تشکیلات بوگون (یکشنبه، ۳۰-حمل) بیلدیرگنیدېک، اشتراکچیلر یوقاری قان باسیمی، دیابېت، سورونکهلی نفس یۉللری کسللیکلری و کېنگ ترقهلگن سرطان تورلرینی دوالش بۉییچه تعلیم آلگن.
جهان ساغلیقنی سقلش تشکیلاتینینگ تأکیدلشیچه، بو کبی ترینینگلر حیاتنی سقلب قالووچی طبي خدمتلرنی اهالیگه ینه-ده یقینلشتیریشگه یاردم بېرهدی.
تشکیلات حساباتلریگه کۉره، یوقوملی بۉلمهگن کسللیکلر افغانستان ساغلیقنی سقلش تیزیمیگه کتّه یوک بۉلیب توشماقده و دیابېت، سرطان همده یورهک-قان تامیر و اۉپکه کسللیکلری مملکتدهگی اۉلیملر نینگ 43 فایزینی تشکیل اېتهدی.
اوشبو تشکیلات کۉره، ۲۰۳۰-ییلگه باریب افغانستانده یوقوملی بۉلمهگن کسللیکلر سببلی اۉلیم درجهسی ۶۰فایزگچه آشیشی ممکن.
جهان ساغلیقنی سقلش تشکیلاتی افغانستانده بو کسللیکلرگه قرشی کورهشیش اوچون خبردارلیکنی آشیریش، خدمتلرنی کوچهیتیریش و موافقلشتیریشنی کېنگهیتیریشگه چقیرگن.
