طالبلرنینگ قندوز ولایتیدهگی امنیه قوماندانلیگی اوشبو ولایتده یوز بېرگن ترافیک حادثهسی عاقبتیده ایکّی عیالنی هم اۉز ایچیگه آلگن حالده آلتی کیشی جان بېرگنینی معلوم قیلدی.
قندوزدهگی طالبان امنیه قوماندانلیگی مطبوعات سۉزلاوچیسی جمعهالدین خاکسار بوگون (جمعه،۲۸-حمل) نشر قیلگن بیاناتیده حادثه قندوز شهری بیلن امام صاحب اولسواللیگی اۉرتهسیدهگی یۉلده یوز بېرگنینی ایتدی.
اونینگ قۉشیمچه قیلیشیچه، اوشبو حادثهده «ماریکس» و «فلدر» روسوملی ایکّی موتر اۉزارا تۉقنهشگن.
طالبان خوفسیزلیک قوماندانلیگی سۉزلاوچیسیگه کۉره، حادثه سببی هیداوچیلرنینگ احتیاطسیزلیگی بۉلگن.
افغانستانده ترافیک حادثهلری هر ییلی یوزلب آدملرنینگ حیاتیگه ضامن بۉلهدی و ینه یوزلب کیشیلر جراحت آلهدی.
بوندهی حادثهلرنینگ اساسي سببلری صفتیده کۉپینچه هیداوچیلرنینگ احتیاطسیزلیگی، یۉللرنینگ یامان حالتی و یۉل بېلگیلرینینگ یېتیشمسلیگی کۉرسهتیلهدی.
