«فغانستان آزادلیک جبههسی» نینگ بیلدیریشیچه، اونینگ کوچلری کابلده عملگه آشیرگن هجومده «طالبان» نینگ ایکّی اعضاسی اۉلدیریلگن، ینه ایکّی نفری یرهلنگن.
جبهه تامانیدن ترقهتیلگن بیاناتده ایتیلیشیچه، بو هجوم شنبه کونی کېچهسی (۲۲حمل)، ساعت۳:۰۰ اطرافیده کابل شهری نینگ ۱۶ناحیهسیده، «الوخیل» منطقهسیده صادر اېتیلگن.
شونینگدېک، «افغانستان آزادلیک جبههسی» هجوم دوامیده «طالبان» جنگچیلری بۉلگن بیر رنجر نشانگه آلینگنینی بیلدیرگن.
بیاناتده قۉشیمچه قیلینیشیچه، بو موتر هجوم عاقبتیده بوتونلهی شکستلنگن.
جبهه اۉز کوچلری آرهسیدهگی احتمالي یۉقاتیشلر حقیده معلومات بېرمهگن.
اوشبو جبهه اوّل هم کابلده «طالبان»گه قرشی هجوملر حقیده خبر بېرگن، بیراق «طالبان» خوفسیزلیک ادارهلری کۉپینچه بوندهی حادثهلرنی تصدیقلهمهگن یاکه رد اېتمهگن.
