حاضر طالبلر نظارتی آستیدهگی افغانستان فوق العاده حالتلر بیلن کورهشیش ملی ادارهسینینگ معلوم قیلیشیچه، سۉنگگی 48 ساعت ایچیده ینه۲۲کیشی جان بېریب، طبيعي آفتلر قربانلری سانی۱۷۹ نفرگه یېتگن.
تشکیلات باشلیغی اۉرینباسری طاهر محمد همت بوگون (شنبه،۲۲ حمل) ویدیو بیاناتیده جراحتلنگنلر سانی۲۳۸ کیشیگه یېتگنینی، ینه ۹کیشی اېسه بېدرَک یۉقالگنینی ایتدی.
اونینگ قۉشیمچه قیلیشیچه، بو طبيعي آفتلر عاقبتیده یېتّی مینگ ۴۷ته اوی تۉلیق یاکه قسماً ویران بۉلگن.
شونینگدېک، طالبان فوق العاده حالتلر ادارهسی سۉزلاوچیسی اۉرین باسرینینگ معلوم قیلیشیچه،۳۷۲ کیلومتر یۉل،۳۵۲ ته سوو ترماغی و قودوق تۉقیزمینگ۹۴۰ته درخت، ایکّی۳۳۹ ته قویاش سولر و۱۸۵ ته دوکان ضرر کۉرگن، بیر مینگ۳۲۳ باش چاروا حیوانی نابود بۉلگن.
عمومي گزارش ده بو آفتلر سکّیز مینگ ۹۷۸ عایلهگه ضرر یېتکزگن.
بو تلفات و ضررلر جاري آی باشیدن بویان بوتون مملکت بۉیلب قید اېتیلگن.
سۉنگگی ایکّی هفته ایچیده افغانستاننینگ تورلی ولایتلریده کوچلی یامغیر و سېل تاشقینلری کوزهتیلگن.
کوچلی یاغاینگرچیلیک و سېل هر ییلی مملکتنینگ تورلی منطقهلریده کتّه تلفات کېلتیرهدی، اما حاضرگچه بوندهی یۉقاتیشلرنی کمهیتیریش یاکه آلدینی آلیش اوچون یېترلی چارهلر کۉریلمهگن.
