عبدالمتین قانع، طالبلر ایچکی ایشلر وزیرلیگی سۉزلاوچیسی عبدالمتین قانیع هرات ولایتیده موترسایکلگه مینیلگن قوراللی شخصلر تامانیدن تینچ اهالیگه قرهته اۉق اوزیلیشی نتیجهسیده کمیده ۷ کیشی جان بېرگن و ینه۱۳کیشی جراحت آلگنینی تصدیقلهدی.
اونینگ ایتیشیچه، اوشبو حادثه بوگون (جمعه،۲۱ حمل) توشدن کېین انجیل اولسواللیگینینگ «قبرزون» قیشلاغیده، بیر دَم آلیش مسکنی یقینیده یوز بېرگن.
طالبلر ایچکی ایشلر وزیرلیگی سۉزلاوچیسی اَیریم یرهدارلر نینگ احوالی آغیر اېکنینی ایتدی.
اونینگ قۉشیمچه قیلیشیچه، بو دستلبکی معلوماتلر بۉلیب، باتفصیل معلوماتلر کېینراق نشر قیلینهدی.
بوندن آلدین محلي منبعلر اوشبو هجوم دهمیری حدودیده، شیعهلرگه تېگیشلی بیر زیارت یقینیده صادر بۉلگنینی خبر قیلگن اېدی.
منبعلر هجوم قربانلری سانینی ۱۰ نفردن آرتیق هلاک بۉلگن و یرهلنگن دېب بیلدیرگن اېدی.
حاضرگچه هېچ بیر شخص یاکه گروه بو هجوم اوچون جوابگرلیکنی اۉز ذمّهسیگه آلمهگن.
سۉنگگی ییللرده هزارهلر، خصوصاً شیعهلر، هرات ولایتیده بیر نېچه بار قوراللی هجوملرگه نشان بۉلگن.
بعضی حالتلرده داعش اوشبو هجوملر اوچون جوابگرلیکنی اۉز ذمّهسیگه آلگن.
