منبعلر هرات ولایتیده نامعلوم قوراللی شخصلر تامانیدن تینچ اهالی اوستیگه اۉق اوزیلگنی حقیده خبر بېرماقده.
منبعلرگه کۉره، اوشبو آتیشمه بوگون (جمعه،۲۱ حمل) توشدن کېین انجیل تومنی نینگ «دهمیری» حدودیده و شیعهلرگه تېگیشلی بیر زیارت یقینیده صادر بۉلگن.
بعضی منبعلرنینگ خبر بېریشیچه، اوشبو آتیشمه عاقبتیده ۱۰ نفردن آرتیق تینچ اهالی هلاک بۉلگن، ینه بیر نېچه کیشی یرهلنگن.
حاضرچه اوشبو هجوم قربانلرینینگ انیق سانی معلوم اېمس و طالبان رسميلری هراتده بو بارهده ایضاح بېرمهگن.
حلی هجوم سببلری و اونی عملگه آشیرگن شخصلر هم انیقلنمهگن.
طالبان ینه افغانستانده حاکمیتنی قۉلگه آلگنیدن سۉنگ، غربدهگی هرات ولایتیده یشاوچی شیعهلر بیر نېچه بار قوراللی هجوملرگه اوچرهگن.
