سمنگان ولایتیدهگی محلي منبعلرگه کۉره، ایکّی یاش ییگیت تورکيهگه ناقانوني یۉل بیلن کېتیشگه اورینگن وقتیده ایران-تورکيه چېگرهسیده جان بېرگن.
منبعلرگه کۉره، بو ایکّی ییگیت احمدولید و شفیقالله تیناوون (چهارشنبه،۱۹ حمل) وفات اېتگن.
حاضرچه اولرنینگ انیق اۉلیم سببی نامعلوم. بعضی منبعلر اولرنی تورکيه چېگرهچیلری تامانیدن اۉق اوزیلیشی عاقبتیده اۉلدیریلگنینی اَیتماقده، باشقه منبعگه کۉره، اولرنی آلیب کېتهیاتگن موتر چېگرهدن اۉتیش وقتیده اغدریلیب کېتگن بۉلیشی ممکن.
منبعلرنینگ بیلدیریشیچه، بو یاشلر نینگ تورکيهگه کېتیشگه اورینیشی ایشسیزلیک و اقتصادي قیینچیلیکلر بیلن باغلیق.
آلدین هم افغانستان یشاوچیلرینینگ تورکيه چېگرهلریده وفات اېتگن حالتلری قید اېتیلگن.
طالبان قَیته حاکمیتگه کېلگنیدن سۉنگ مملکتده ایشسیزلیک آشگنی، شو سببلی کۉپلب یاشلر ناقانوني یۉللر آرقهلی باشقه دولتلرگه چیقیشگه حرکت قیلهیاتگنی ایتیلهدی.
