طالبلر عالی تحصیلات وزیری ندامحد ندیم تیناوون چهارشنبه ۱۹ حمل کابل بیلیم یورتیده اۉزبېک تیلی و ادبیاتی بۉلیمی محصللرینی حقارت قیلیب، اولردن بیرینی آدملر آلدیده شپات بیلن یوزیگه اورگن.
کابل بیلیم یورتی اۉزبېک تیلی و ادبیاتی دیپارتمنتینینگ محصللری کۉنگیلی روشده بیلیم یورت میدانیدهگی چیقیندیلرنی تېریب یورگنده، عالی تحصیلات وزیری ندا محمد ندیم بیلن روپه ره کېلهدیلر؛ ندیم محصللر همهسی اۉزبېک کلاهسی کیگنلری اوچون اولرنی سوراققه تارتیب کلاهنی باشلریدن آلیب ایاغ آستیگه تشلب محصللرنی حقارت قیلگن
عالی تحصیلات وزیری مذکور کلاهنی پاکستانلیک پشتونلرنینگ تاقیسی دېیه، محصللرگه بو کلاهنی کیمسلیککه اوندهگن.
ایتیلیشیچه، اۉزبېک کلاهسینی کیگن محصللر بیلیم یورت ریاستیده هم بیر نېچه ساعت سوراققه آلینیب، کیملیکلری رسمیلر آرقهلی تېکشیریلگن.
بو مساله اجتماعی ترماقلرده ترقهتیلیشی بیلن کېنگ مناسبتلرگه سبب بۉلدی. موضوع یوزیدن افغانستانلیک اۉزبېکلرنینگ سیاسی، تاریخی، فرهنگی و مدنی شخصیتلری قتّیق عکس العمل بیلدیریب، ندیم نینگ بو قیلمیشینی اۉزبېکلرنینگ بویوک فرهنگی و مدنیتیگه توهین قیلیش دېگنلر
