طالبان مطبوعات سۉزلاوچیسی اۉرینباسری حمدالله فطرتنینگ ایتیشیچه، ۲۲-فبروریدن جاری آینینگ ۵گچه پاکستاننینگ افغانستانگه قیلگن هجوملری نتیجهسیده کمیده۷۶۱ نفر تینچ اهالی هلاک بۉلگن.
او بوگون اېرتهلب (یکشنبه،۱۶ حمل) ایکس اجتماعی ترماغیده یازگن پُستیده قۉشیمچه قیلیشیچه، شو مدت ایچیده ینه۶۲۶ نفر تینچ اهالی یرهلنگن.
حمدلله فطرت شونینگدېک، پاکستان بو دورده کابل، قندهار، ننگرهار، پکتیا، پکتیکا، خوست، کنر، نورستان و لغمان ولایتلرینی بامباردمان قیلگن.
اونینگ سۉزلریگه کۉره، بو هجوملر عاقبتیده ۲۷مینگ ۴۰۷ کیشی کۉچیشگه مجبور بۉلگن و بیرمینگ ۱۴۰ ته اوی ویران قیلینگن.
نشر قیلینگن معلوماتلرگه کۉره، هجوملر نتیجهسیده ینه۲۵۶ته دوکان،۳۴ ته مسجد،۱۳ ته مکتب،۴۲ ته موتر،۱۳ ته دیني مدرسه و۳ ته کلینیک ضرر کۉرگن، شونینگدېک۶۶۱ باش چاروا نابود بۉلگن.
حاضرچه مستقل منبعلر اوشبو رقملرنی تصدیقلهمهگن.
طالبلر و پاکستان اۉرتهسیدهگی تۉقنهشوولر قریب بیر یریم آیدن بېری دوام اېتماقده.
سۉنگگی کونلرده ایکّی تامان چین واسطهچیلیگیده اورمچی شهریده مذاکره اۉتکزگن، اما بو اوچرهشوولر نتیجهلری حلی انیق اېمس.
