طالبالرنینگ میدان وردکدهگی امنیه قوماندانلیگی، ولایتده یوز بېرگن ترافیک حادثهسی عاقبتیده بیر کیشی جان بېرگنی و بېش کیشی یرهلنگنینی معلوم قیلدی.
اوشبو قوماندانلیککه کۉره، واقعه بوگون (شنبه، ۱۵حمل) کابل-قندهار عمومی یۉلیده جایلشگن سیدآباد اولسواللیگیگه قرهشلی مشنگ قلعه حدودیده یوز بېرگن.
قوماندانلیکنینگ قۉشیمچه قیلیشیچه، حادثه فورد و فلدر روسوملی ایکّی موترنینگ تۉقنهشووی نتیجهسیده یوز بېرگن.
طالبلرنینگ میدان وردکدهگی امنیه قوماندانلیگی بو حادثهنینگ اساسي سببی هیداوچیلرنینگ احتیاطسیزلیگی اېکنینی ایتگن.
اولرنینگ معلوماتیگه کۉره، جراحتلنگنلر محلي اهالی و طالبان مسووللری تامانیدن طبي مرکزلرگه یېتکزیلگن.
شو بیلن بیرگه، محلي منبعلردن بیری هلاک بۉلگن شخص محلي خیریه تشکیلاتی اعضاسی بۉلگنینی بیلدیرگن.
افغانستانده ترافیک حادثهلری هر ییلی اۉنلب انسانلرنینگ حیاتیگه ضامن بۉلهدی و ینه اۉنلب آدملر جراحتلنهدی.
احتیاطسیزلیک، صفتلی یۉللرنینگ یۉقلیگی و یۉل بېلگیلرینینگ یېتیشمسلیگی بو حادثهلرنینگ اساسي سببلری صفتیده کۉرسهتیلهدی.
شونینگدېک، سۉنگگی پیتلردهگی یاغینگرچیلیک و تاشقینلر هم مملکتده ترافیک حادثهلرینینگ کۉپهییشیگه سبب بۉلماقده.
