منبعلرنینگ ننگرهار ولایتیده ایتیشیچه، هسکه مېنه اولسواللیگیده تاووقچیلیک فارمینینگ تامی قولهب توشیشی عاقبتیده ایکّی کیشی جان بېرگن.
منبعلرگه کۉره، اوشبو حادثه بوگون (جمعه، ۱۴حمل) ساعت تخمیناً ۹:۰۰ ده « سرقلعه احمدخیل» قیشلاغیده یوز بېرگن.
منبعلرنینگ ایتیشیچه، ایشچیلر فارمده ایشلهیاتگن پیتده کوچلی یاغاینگرچیلیک سبب تام قولهب توشیب، ایکّی کیشینینگ حیاتیگه ضامن بۉلگن.
معلوماتلرگه کۉره، بو حادثهده یوزلب تاووقلر هم نابود بۉلگن.
طالباننینگ ننگرهاردهگی محلي مسووللری حاضرچه بو حادثه یوزهسیدن ایضاح بېرمهگن.
سۉنگگی یاغاینگرچیلیکلر آرتیدن مملکتنینگ تورلی ولایتلریده اوی تاملری قولهشی عاقبتیده آدملر هلاک بۉلهیاتگنی حقیده هم باشقه حالتلر قید اېتیلگن.
