طالبلرنینگ بدخشان ولایتیدهگی امنیه قوماندانلیگینینگ معلوم قیلیشیچه، بو ولایتده یوز بېرگن ترافیک حادثهسی عاقبتیده کمیده بیر کیشی جان بېرگن ینه ایکّی کیشی یرهلنگن.
اوشبو قوماندانلیک بیانات ترقهتیب، حادثه تیناوون (سهشنبه،۱۱حمل) یمگان اولسواللیگی «سری آواش» قیشلاغیده یوز بېرگنینی بیلدیرگن.
طالبلرنینگ بدخشاندهگی امینه قوماندانلیگی بو حادثهنینگ سببی حقیده ایضاح بېرمهگن و قۉشیمچه تفصیلاتلرنی هم تقدیم اېتمهگن.
افغانستانده هر ییلی ترافیک حادثهلری یوزلب آدملرنینگ حیاتیگه ضامن بۉلهدی و ینه یوزلب انسانلر جراحت آلهدی.
بوندهی حادثهلرنینگ اساسي سببلری صفتیده کۉپینچه هیداوچیلرنینگ احتیاطسیزلیگی، یۉللرنینگ یامان حالتی و یۉل بېلگیلرینینگ یېتیشمسلیگی کۉرسهتیلهدی.
