پاکستاننینگ « خراسان داییری» ناملی عامهوي اخبارات واسطهسی ایکّی پاکستانلیک رسمیسی و طالبلر بیر نمایندهسیگه تهیهنیب خبر بېریشیچه، ایکّی تامان نمایندهلری بوگون (چهارشنبه، ۱۲حمل) چیننینگ اورمچی شهریده کېسکینلیکنی کمهیتیریش بۉییچه اوچرهشوو و مذاکره اۉتکزیشی کوتیلماقده.
اوشبو یېتکرمه خبریگه کۉره، بو اوچرهشوو چیننینگ مخصوص نمایندهسی یو شیائو یونگ نینگ کابل و اسلام آبادگه تشریفی دوامیده رېجهلشتیریلگن.
ایشانچلی بیر منبع « خراسان داییری»گه ایتیشیچه، مذاکرهلر سېزیلرلی نتیجهگه اېریشیلمهگونچه، جیملیک و آشکارالیکسیز دوام اېتتیریلیشی کېلیشیلگن.
حاضرچه ایکّی تامان نمایندهلری مذاکرهلرده قَیسی درجهده اشتراک اېتیشی انیق اېمس.
بو مذاکرهلر شرایطیده طالبان و پاکستان اۉرتهسیدهگی تۉقنهشوولر بیر آیدن بېری دوام اېتماقده.
شو دورده پاکستان افغانستاننینگ تورلی منطقهلریگه هوا و راکت هجوملرینی عملگه آشیرگن.
اېنگ سۉنگگی هوا هجومیده کابلدهگی گیاهوندلیککه قرشی دوالش مرکزی نشانگه آلینگن.
طالبان بو هجومده۴۰۰ کیشی هلاک بۉلگنینی و۲۵۰ کیشی یرهلنگنینی بیلدیرگن، اما بیرلشگن ملتلر تشکیلاتینینگ نمایندهلریدن بیری رویترز بیلن صحبتده قربانلر سانی۱۴۳ نفر اېکنینی ایتگن.
