طالبلر نظارتی آستیدهگی افغانستان طبيعي آفتلر بیلن کورهش ملی ادارهسی، سۉنگگی تۉرت کون ایچیده یامغیر، سېل و باشقه طبيعي آفتلر عاقبتیده جان بېرگنلر سانی۲۸ کیشیگه یېتگنینی معلوم قیلدی.
مذکور اداره بوگون (دوشنبه،۱۰ حمل) بیانات چیقریب، یرهلنگنلر سانی هم۴۹نفرگه یېتگنینی بیلدیردی.
طالبلرنینگ طبیعی آفتلر بیلن کورهش ادارهسی تیناوون هلاک بۉلگنلر سانینی ۱۷ کیشی، جراحتلنگنلر سانینی اېسه ۲۶ کیشی دېب اعلان قیلگن اېدی.
شونینگدېک، اوشبو اداره کوچلی یامغیر و سېل عاقبتیده ۵۶۸ ته اوی تۉلیق یاکه قسماً ویران بۉلگنینی، بیرمینگ ۱۳۰ ته عایله ضرر کۉرگنینی،۹۳کیلومتر یۉل بیر مینگ بیرمینگ ۲۹۰ جېریب اېکین یېرلری و بیر مینگ ۹۳۸ ته درخت شکستلنگنینی، ۲۴۴ باش چاروا حیوانلری نابود بۉلگنینی بیلدیرگن.
معلوماتگه کۉره، بو تلفات و ضررلر بدخشان، تخار، بغلان، سمنگان، بلخ، جوزجان، سرپل، فاریاب، باميان، دایکندی، غور، بادغیس، هرات، پنجشیر، کاپیسا، پروان، لغمان، کابل، ننگرهار، لوگر، پکتیا، پکتیکا، قندههار و هلمند ولایتلریده قید اېتیلگن.
