ننگرهار ولایتیدهگی طالبلر امنیه قوماندانلیگینینگ معلوم قیلیشیچه، غنی خیل اولسواللیگیده اوی تامی قولهب توشیشی عاقبتیده بیر عیال جان بېرگن و ایکّی باله یرهلنگن.
طالبلر امنیه قوماندانلیگی مطبوعات سۉزلاوچیسی سعید طیب حمادنینگ ایتیشیچه، بو واقعه تیناوون تونده (یکشنبه،۹ حمل) غنی خیل اولسواللیگینینگ «ويال۲۵» منطقهسیده کوچلی یامغیرلر عاقبتیده یوز بېرگن.
اونینگ ینه قۉشیمچه قیلیشیچه، نازیان اولسواللیگیده هم ینه بیر اوی یامغیرلر سبب قولهب توشگن و نتیجهده ایکّی کیشی یرهلنگن.
سۉنگگی کونلرده یاغگن یامغیرلر مملکتنینگ تورلی ولایتلریده کتّه تلفات و ضررلر کېلتیریب چیقرگن.
طالباننینگ فوق العاده حالتلر بیلن کورهشیش باشقرمهسی کېچه نشر قیلگن معلوماتیگه کۉره، یامغیرلر عاقبتیده کمیده۱۷ کیشی هلاک بۉلگن و۲۶ کیشی جراحت آلگن.
