افغانستاننینگ سابق جمهور رییسی حامد کرزی، عیاللر و قیزلرنینگ تعلیم و ایشگه قۉییلگن چېکلاولری دوام اېتیشی مملکت برقرارلیگی و رواجلنیشیگه توزهتیب بۉلمس ضرر یېتکزیشینی ایتدی.
او بوگون (چهارشنبه، ۵حمل) ایکس اجتماعی ترماغیده یازیشیچه، عیاللر و قیزلرنینگ تعلیم همده ایش امکانیتلریدن محروم اېتیلیشی افغان جمعیتینی جوده ضعیف و حمایهسیز حالگه کېلتیرهدی.
حامد کرزینینگ قۉشیمچه قیلیب ایتیشیچه، قیزلر و اۉغیل بالهلر تعلیمی مملکتنینگ «ترقیاتی، کوچی، اۉزیگه یېترلیلیگی و مناسب حیاتی» اوچون مهم اېکنینی تأکیدلهدی.
او ینه طالباندن مکتب و بیلیم یورتلری اېشیکلرینی قیزلر اوچون آچیشنی، شونینگدېک عیاللرگه جمعیتده ایشلش و فعال اشتراک اېتیش امکانینی بېریشنی سۉردی.
طالبان حاکمیتنی قَیته اېگهلهگنیدن بېری قیزلرنینگ آلتینچی صنفدن یوقاری تعلیم آلیشینی تعقیقلهگن، شونینگدېک عیاللرنینگ دولت ادارهلری و نادولت تشکیلاتلرده ایشلشینی هم چېکلهگن.
