آدام بولر امریکانینگ گروگه آلینگنلر بۉییچه مخصوص وکیلی بۉلیب، دنیس کویلنینگ طالبان تامانیدن آزاد قیلینیشیگه اشاره قیلیب، «گرو دیپلوماسیسی اۉلدی» دېب ایتگن.
او ایکس اجتماعی ترماغیده اۉزینینگ دېنس کویل بیلن صحبتلشهیاتگن صورتینی جایلب شوندهی یازدی: «هېچ قندهی کېلیشوو یۉق. هېچ قندهی پول یۉق. گرو دیپلوماسیسی اۉلدی.»
او ینه تأکیدلهگن: «همه اوییگه قَیتمهگونچه بیز تۉختهمهیمیز.»
طالبان تشقی ایشلر وزیرلیگی اوّلراق امریکانینگ سابق مخصوص وکیلی زلمی خلیلزاد تشریفی آرتیدن دېنس کویلنینگ آزاد اېتیلگنینی اعلان قیلگن.
اونگه کۉره، طالبان عالي محکمهسی اونینگ عایلهسی تامانیدن هبتالله آخونزادهگه یوباریلگن مکتوبدن سۉنگ اونی آزاد قیلیشگه قرار قیلگن.
طالبان اونی ایچکی قانونلرنی بوزگنلیکده عیبلهگن اېدی.
اونینگ آزاد اېتیلیشی امریکا تشقی ایشلر وزیرلیگی افغانستاننی «ناقانوني حبسلر حاميسی دولتلر» رۉیخطیگه کیریتگنیدن کېین صادر بۉلگن.
امریکار تشقی ایشلر وزیری مارکو روبیو طالباننی «تروریستیک اصوللر» قۉللب، آدملرنی سیاسي باسیم و فایده اوچون اوشلب توریشده عیبلهگن.
بعضی امریکالیک رسميلر اېسه، اگر امریکا فقرالری آزاد اېتیلمسه، افغانستان ونزوئلا و ایران کبی کېینگی دولت بۉلیشی ممکن دېب آلگاهلنتیرگن.
اوّل هم طالبان امریکا بیلن مذاکرهلر آرقهلی بعضی امریکالیک محبوسلرنی آزاد قیلگن اېدی.
