منبعلرگه کۉره، طالبلر پاکستان بیلن وقتینچهلیک اۉت آچیشنی تۉختهتیش توگهگنیدن سۉنگ، پاکستان چېگرهلریگه یقین حدودلرده خدمت قیلهدیگن ینگی حربي بۉلینمه توزماقده. بو بۉلینمه تخمیناً ۱۵۰۰جنگچیدن عبارت بۉلیشی ایتیلماقده.
منبعلر نینگ بیلدیریشیچه، اوشبو کوچلرنی ییغیش جریانی افغانستان نینگ شمالي ولایتلریدن باشلنگن و هییتدن کېین ینهده تېزلشگن.
بو کوچلر پاکستان بیلن دوام اېتهیاتگن حربي تۉقنهشوولرده پازیتسيهلرنی مستحکملش و چېگرهگه یقین حدودلرگه جایلشتیریش مقصدیده تیارلنهیاتگنی ایتیلماقده.
پاکستان بیلن طالبان اۉرتهسیدهگی وقتینچهلیک صلح یریم تونده توگهگن، بیراق حاضرچه ایکّی تامان اۉرتهسیده ینگی ییریک تۉقنهشوولر حقیده انیق خبرلر یۉق.
سۉنگگی اوچ هفتهدن بېری دوام اېتهیاتگن ماجرا دوامیده پاکستان افغانستاننینگ تورلی حدودلریگه هوا و راکت ضربهلری بېرگن، طالبان اېسه چېگرهدهگی پُستهلرگه هجوملر اویوشتیرگن همده پاکستان حدودیدهگی اَیریم نشانلرگه درون هجوملری عملگه آشیرگن.
