طالبلر نظارتی آستیدهگی نورستان، ننگرهار و هرات ولایتلریده یوز بېرگن ترافیک حادثهلری عاقبتیده کمیده۵ کیشی جان بېرگن و۲ کیشی جراحتلنگن.
نورستان اطلاعات و فرهنگ ریاستینینگ معلوم قیلیشیچه، پارون شهری مرکزیده موترسیکل کۉپریکدن توشیب کېتیشی نتیجهسیده بیر کیشی جان بېرگن، ینه بیر کیشی یرهلنگن.
محلي معلوماتلرگه کۉره، جراحتلنگن شخص شفاخانهگه یاتقیزیلگن. حادثه نینگ سببی هیداوچی نینگ احتیاطسیزلیگی دېب ایتیلگن.
شو بیلن بیر وقتده جلال آباد شهریده هم ترافیک حادثهسی یوز بېریب، بیر یاش ییگیت وفات اېتگن. او یقینده خصوصي بیلیم یورتی مهندسلیک یۉنهلیشی بۉییچه تماملهگن اونینگ آتی ضیاءالرحمن اېکنی ایتیلماقده.
هرات ولایتیده اېسه بیر «فرونر» روسوملی موتر ریکشا بیلن تۉقنهشیب کېتگن و نتیجهده اوچ کیشی واقعه جاییده جان بېرگن، ینه بیر کیشی یرهلنگن. بو حادثه هم احتیاطسیزلیک سببلی یوز بېرگنی بیلدیریلگن.
افغانستانده ترافیک حادثهلری هر ییلی یوزلب آدملرنینگ حیاتیگه ضامن بۉلهدی و کۉپلب جراحتلرگه سبب بۉلهدی. متخصصلر بوندهی حادثهلرنینگ اساسي سببلری صفتیده هیداوچیلرنینگ احتیاطسیزلیگی، یۉل بېلگیلرینینگ یېتیشمسلیگی و یۉللرنینگ یامان حالتینی کۉرسهتیشهدی.
