ریچارد بنت نورۉز مناسبتی بیلن نشر قیلگن پیامیده یازیشیچه، دنیاده یگانه افغانستانده ینگی ییل ینه بیر اۉقوو ییلینینگ باشلنیشی بیلن بیر وقتده کېلماقده، بونده ۶صنفدن یوقاری قیزلر مکتبگه باره آلمهیدی و عیاللر بیلیم یورتلرده تعلیم آلالمهیدی.
او بو چیکلاونی قبول قیلیب بۉلمهیدیگن حالت دېب اتهب، اونی بېکار قیلیش ضرورلیگینی تأکیدلهدی.
طالبلر افغانستانده قَیته حاکمیتگه کېلگنیدن سۉنگ، ۶صنفدن یوقاری قیزلرنی مکتبگه باریشدن تعقیقلهگن.
شونینگدېک، بو گروه عیاللر و قیزلرنی یونیورسیتیلر همده عالي تعلیم مؤسسهلریگه، جملهدن طبیات انستیتوتلریگه هم کیریشنی تعقیقلهگن.
بیرلشگن ملتلر تشکیلاتی معلوماتلریگه کۉره، اوشبو سیاستلر نتیجهسیده افغانستانده۲.۵میلیوندن آرتیق قیز مکتب و یونیورسیتی تعلیمیدن محروم بۉلگن.
