منبعلرنینگ اطلاعات روزگه تصدیقلشیچه، افغانستانده طالبان و شیعه مسلمانلر اۉرتهسیده هییت (رمضان هییتی) اعلان قیلیش بارهسیدهگی فرق سببلی، بو گروه کابل شهری و باشقه اَیریم ولایتلرده شیعهلرگه هییت نمازینی اۉقیشگه رخصت بېرمهگن.
منبعلرگه کۉره، طالبان بوگون (شنبه، 1-حمل) و تیناوون شیعهلرنینگ هییت نمازینی اۉقیشیگه یۉل قۉیمهگن.
شونینگدېک، منبعلرنینگ ایتیشیچه، طالبان پنجشنبه کونی اَیریم ولایتلرده شیعهلرنی مجبورن رۉزهنی آچیشگه و اولرنینگ اعلانیگه موافق هییت قیلیشگه مجبور قیلگن. بو بویروققه بۉیسونمهگن اَیریم شخصلر اېسه حبسگه آلینگن.
بیر نېچه منبع ینه اطلاعات روزگه تصدیقلشیچه، طالبان بوگون و کېچه شیعهلرگه هییت نمازینی اۉقیشگه رخصت بېرمهگن.
طالبان بو ییل پنجشنبه کونینی رمضان هییتی دېب اعلان قیلگن، اما شیعهلر جمعه و شنبه کونلری هییت قیلگن.
کابلدهگی ایشانچلی منبع نینگ ایتیشیچه، طالبان نینگ «امر به معروف و نهی از منکر» ادارهسی هییتدن آلدین «افغانستان شیعه علمالری کېنگشی» و «عالي شیعه کمیسیونسی» اعضالریگه شوندهی شرط قۉیگن: یاکه حکومت اعلانیگه موافق هییت قیلیشسین، یاکه عموماً هییت نمازینی اۉقیمسینلر.
منبع نینگ سۉزلریگه کۉره، اوشبو تشکیلاتلر وکیللری اگر طالبان بیلن بیر کونده هییت قیلمسهلر، هییت نمازینی اۉقیمسلیککه «وعده» بېرگن.
شو سببلی و هییت اعلانیدهگی فرق طفیلی بو ییل کابل و باشقه ولایتلردهگی شیعه مسجدلریده هییت نمازی اۉقیلمهگن.
مجبوري افطار
منبعلر ینه اطلاعات روزگه معلوم قیلیشیچه، پنجشنبه کونی دایکندی ولایتیده و هراتده طالبان اَیریم شیعهلرنی مجبوری رۉزهنی آچیشگه مجبور قیلگن.
دایکندیدهگی منبع نینگ ایتیشیچه، کیتی تومنی مرکزیده طالبان محلي علمالرنی اۉز اعلانیگه موافق رۉزهنی آچیشگه و هییت نمازینی اۉقیشگه مجبور قیلگن.
اونینگ سۉزلریگه کۉره، بو بویروققه بۉیسونمهگن بیر نفر دیني علما طالبان تامانیدن حبسگه آلینگن و هنوزگچه قماقده سقلنماقده.
هراتدهگی منبعلر هم خبر بېریشیچه، «جبریل» شهرچهسیده طالبان اَیریم شیعهلرنی رۉزهنی آچیشگه مجبور قیلگن.
بیر منبعنینگ ایتیشیچه، او چارراههده طالبان اَیریم شیعه یاشلرگه زۉرلیک بیلن سوو و نان بېریلگنیگه گواه بۉلگن.
هراتده طالبان هییت اعلان قیلینیشیدن آلدین هم اَیریم شیعه علمالرنی بو بارهدهگی کېلیشماوچیلیک سبب حبسگه آلگن اېدی.
طالبان اوّلگی ییللرده هم تورلی ولایتلرده شیعهلرنی اۉز اعلانیگه موافق هییت قیلیش و رۉزهنی آچیشگه مجبور قیلگن.
