اروپا اتفاقی تشقی سیاست مسوولی کاجا کالاس و اروپا اتفاقی کمیسیون اعضاسی حاجا لحبیب بیرگهلیکده نشر قیلگن بیاناتده، کابلدهگی گیاهوندلرنی دوالش مرکزی هجومی «تېزراق توگهشی کېرهک بۉلگن ماجرانینگ ینه بیر هلاکتلی کوچهییشی» دېب اتشگن.
بوگون (سهشنبه،۲۶ حوت) نشر قیلینگن بیاناتده ایتیلیشیچه: «غیر نظامی جایلر و دوالش مرکزلری هېچ قچان نشان بۉلمسلیگی کېرهک، چونکه اولر خلقارا انسانپرورلیک حقوقی، جملهدن جنیوا کانوانسیونلری اساسیده حمایهلنگن.»
بو ایکّی اروپا رسميسینینگ قۉشیمچه قیلیشیچه،«هر قندهی حربي عملیاتده اشتراک اېتهیاتگن تامانلر هر شرایطده اوشبو قاعدهلرگه رعایه قیلیشی شرط.»
شونینگدېک، اولر ایکّی تامان بیلن هم ماکسیمال اۉزینی توتیشنی و تینچ اهالی ضررینی کمهیتیریش اوچون برچه چارهلرنی کۉریشنی طلب قیلگن.
اولرنینگ سۉزلریگه کۉره، «اروپا اتفاقی بوتون جهان همجميتی بیلن بیرگه درحال تینچلیک اۉرنهتیشنی و پاکستان همده افغانستاندهگی عملدهگی حکومت وکیللری اۉرتهسیده مذاکرهلرنی قَیته باشلشنی طلب قیلماقده.»
«امید» گیاهوندلرنی دوالش مرکزی کېچه ساعت۹:۰۰ هجومگه اوچرهگن.
طالبان پاکستاننی هجومده عیبلهگن و کمیده۴۰۰ کیشی هلاک بۉلگن،۲۵۰ کیشی اېسه یرهلنگنینی بیلدیرگن.
پاکستان اېسه بو هجوم اوچون جوابگرلیکنی اۉز ذمّهسیگه آلمهدی و کابل همده ننگرهاردهگی «تروریستلرنی قۉللب-قوّتلش اوچون حربي مرکزلر و تاسیساتلرنی» نشانگه آلگنینی بیلدیرگن.
