افغانستان سابق جمهور رییسی حامد کرزی، پاکستاننینگ کېچه کابل شهریدهگی نشانلرگه اویوشتیرگن هجوملرینی کېسکین قارهلهدی.
کرزی، «پاکستانده حکمران بۉلگن حربيلرگه آگاهلنتیرهمن، بو هجوملرنی دوام اېتتیریش نهفقط اولرنی مقصدیگه یېتکزمهیدی، بلکه وضعیتنی ینه-ده یامانلشتیریب، اۉشه مملکتنینگ اۉزیگه ضرر یېتکزهدی دېگن.»
سابق جمهور رییسنینگ قۉشیمچه قیلیشیچه «اگر پاکستان اۉزینینگ فایدهسینی و منطقه برقرارلیگینی ایستهسه، ناتۉغری سیاستلرینی قَیته کۉریب چیقیشی و افغانستان بیلن قۉشنیچیلیک تمایللری همده مدني علاقهلر دایرهسیده مناسبت اۉرنهتیشی کېرهک».
پاکستان کېچه ینه کابل و ننگرهار ولایتلریدهگی اَیریم نشانلرنی بامباردمان قیلدی.
طالبان نینگ معلوماتیگه کۉره، کابلده مخدر مادهگه بېریلگنلرنی دوالش مرکزیگه قیلینگن هجوم عاقبتیده کمیده۴۰۰ کیشی هلاک بۉلگن و ینه۲۵۰ یرهلنگن.
