سابق حکومتدهگی ملی یرهشوو عالی کېنگیشی باشلیغی داکتر عبدالله عبدالله، پاکستاننینگ کېچه تونده افغانستان توپراغیگه اویوشتیرگن هوا هجوملرینی کېسکین قارهلهدی.
جناب عبدالله ایکس اجتماعی ترماغیده یازگن بیاناتیده، «بو هجوملر یخشی قۉشنیچیلیک تمایللریگه تۉلیق ضد روشده عملگه آشیریلگن بۉلیب، خلق ارا قانونلرنینگ آچیقدن-آچیق بوزیلیشی حسابلنهدی و هېچ قندهی طرزده آقلنمهیدی دېگن.»
اونینگ ینه قۉشیمچه قیلیشیچه«بوندهی معمالرنینگ یگانه یېچیمی ملاقاتگه مراجعت قیلیش و دیپلوماتیک یۉللردن فایدهلنیشدیر»
پاکستان افغانستانگه قرشی هوا هجوملرینی دوام اېتتیریب، کېچه ینه کابلدهگی اَیریم نشانلرنی بامباردمان قیلدی.
طالباننینگ ایتیشیچه، جملهدن کابلده مخدر مادهگه بېریلگنلرنی دوالش مرکزی هم نشانگه آلینگن.
اولرنینگ معلوماتیگه کۉره، اوشبو مرکزگه قیلینگن هجومده کمیده۴۰۰کیشی هلاک بۉلگن و ینه۲۵۰ کیشی جراحت آلگن.
