طالبان مدافعه وزیرلیگی پاکستاننینگ جَنوبي وزیرستان حدودیدهگی «وانه» منطقهسیده جایلشگن بیر حربي کمپگه درون هجومی اویوشتیریلگنینی معلوم قیلدی.
وزیرلیک بوگون، یکشنبه (۲۴ حوت) اعلان قیلگن بیاناتیده ایتیشیچه، بو هجوم کېچه قندهار ولایتیده پاکستان تامانیدن عملگه آشیریلگن هوا هجوملریگه جوابن بجریلگن.
طالبان مدافعه وزیرلیگینینگ ادعا قیلیشیچه، هجومده «اساسجی» گروپ کومندولری بناسی و باشقه حربي انشااتلر نشانگه آلینگن همده پاکستان کوچلریگه «کتّه جاني و مادّي ضرر» یېتکزیلگن.
حاضرچه پاکستان رسميلری بو هجوم حقیده ایضاح بېرمهگن.
پاکستان سۉنگگی کونلرده افغانستاننینگ تورلی حدودلریگه ضربهلر بېریشده دوام اېتماقده و کېچه ینه قندهارده مقصدلرنی بامباردمان قیلگن.
طالبان نینگ ایتیشیچه، بو هجوملرده گیاهوندلیکدن دوالش شفاخانهسی و بۉش کانتنر نشانگه آلینگن، اما آدملر هلاک بۉلمهگن.
