بیرلشگن ملتلر تشکیلاتینینگ خوفسیزلیک کېنگشی دوشنبه کونی (۲۵حوت) افغانستانده بیرلشگن ملتلر تشکیلاتینینگ نمایندهلیگی (یوناما) ادارهسینینگ مدتینی اوزهیتیریش بۉییچه پیشنویس لایحهسیگه آواز بېریشی رېجهلشتیریلگن.
بیرلشگن ملتلر تشکیلاتی خوفسیزلیک کېنگشی حساباتیگه کۉره، اوشبو ییغیلیشده یوناما ماموریتی جاري ییل نینگ ۱۷-مارچیدن ۱۷-جونیگچه، یعنی اوچ آیگه اوزهیتیریش مسألهسی آوازگه قۉییلهدی.
حساباتده ایتیلیشیچه، امریکا قۉشمه ایالتلری یوناما ماموریتینی بیر ییلگه اوزهیتیریش حقیدهگی پیشنویس لایحهسیگه قرشی چیققن. نتیجهده ماموریت قیسقهراق مدتگه اوزهیتیریش بۉییچه کېلیشووگه اېریشیلگن.
امریکانینگ بیرلشگن ملتلر تشکیلاتیدهگی امریکا وکالتخانهسی تأکیدلشیچه، یوناما بیرلشگن ملتلر تشکیلاتینینگ اېنگ قیمت سیاسي ماموریتلریدن بیری بۉلیب، مرکّب محیطده فعالیت یوریتهدی. شو سببلی اونینگ حاضرگی وظیفهسی حلی هم ماس و عملگه آشیریلیشی ممکنمی یاکه یۉقمی بو مسأله قَیته کۉریب چیقیلیشی کېرهک.
وکالتخانه شونینگدېک، ماموریت نینگ قیسقه مدتگه اوزهیتیریلیشی برچه تامانلر بیلن ملاقات قیلیش و اونینگ وظیفهلرینی حاضرگی شرایطگه ماسلشتیریش اوچون امکان یرهتیشینی بیلدیرگن.
بیراق، بیرلشگن ملتلر تشکیلاتی خوفسیزلیک کېنگشی اعضالری آرهسیده یوناما ماموریتی نینگ قیسقه مدتگه اوزهیتیریلیشی اونینگ افغانستاندهگی موقعینی ضعیفلشتیریب قۉییشی ممکنلیگی حقیده هم خواطرلر موجود.
اۉتگن ییلی بیرلشگن ملتلر تشکیلاتی خوفسیزلیک کېنگشی بیر آوازدن یوناما ماموریتی افغانستانده بیر ییلگه جاري ییل نینگ ۱۷مارچیگچه اوزهیتیریش تۉغریسیده قرار قبول قیلگن اېدی.
