طالبلر سۉزلاوچیسینینگ اۉرین باسری حمدالله فطرت پاکستاننینگ خوست ولایتیگه قیلگن هجومیده بیر عایلهنینگ تۉرت اعضاسی جان بېرگن، ینه تۉرت نفر باله یرهلنگن دېگن.
اونینگ ایتیشیچه، هجوم بوگون تانگده ساعت تخمیناً۴:۰۰ده (پنجشنبه، 21-حوت) خوست ولایتی «علیشیرتېرېزیو» اولسواللیگیده عادي اهالینینگ اویلری و کۉچیلرنینگ چادرلریگه قرشی عملگه آشیریلگن.
نتیجهده کۉچی عایلهسینینگ تۉرت اعضاسی بیر عیال، بیر اېرکک، بیر اۉغیل و بیر قیز هلاک بۉلگن، ینه تۉرت نفر باله یرهلنگن.
فطرت شونینگدېک، پاکستان کنر ولایتیدهگی تورلی حدودلرنی هم نشانگه آلگنینی ایتگن.
اونینگ سۉزلریگه کۉره، بو هجوملرده آدملر هلاک بۉلمهگن، اما محلي اهالیگه مادّي ضرر یېتگن.
طالبلر و پاکستان اۉرتهسیدهگی جنگلر ایکّی هفتهدن بېری دوام اېتماقده.
بو وقت ایچیده پاکستان افغانستاننینگ تورلی حدودلریگه هوا و راکت هجوملری اویوشتیرگن.
بوندن آلدین بیرلشگن ملتلر تشکیلاتی پاکستاننینگ افغانستانگه قیلگن هجوملری عاقبتیده کمیده۱۸۵ نفر تینچ اهالی هلاک بۉلگن یاکه یرهلنگن، همده۲۰ مینگدن آرتیق عایله اۉز اویلرینی ترک اېتیشگه مجبور بۉلگن دیگن اېدی.
