جاپان حکومتی افغانستانگه ایران و پاکستاندن قَیتگن مهاجرلر همده اولرنی قبول قیلهیاتگن محلي جماعهلرگه یاردم کۉرسهتیش اوچون ۲میلیون دالرنی بیرلشگن ملتلر تشکیلاتینینگ عالی کمیسارلیگیگه یاردم بېردی.
بیرلشگن ملتلر تشکیلاتینینگ عالی کمیسارلیگی چهارشنبه (20 حوت) نشر قیلگن بیاناتیده ایتیشیچه، اوشبو مبلغ «ایران و پاکستاندن قَیتگن مهاجر همده افغانستاندهگی ضعیف قتلم گه فوق العاده یاردم کۉرسهتیش» لایحهسی دایرهسیده صرفلنهدی.
مذکور لایحه آرقهلی کېلگوسی اۉن آی دوامیده اون اوچ مینگ ۳۱۰ کیشیگه یاردم کۉرسهتیلهدی. شوندن۲۳ مینگ کیشی ترانسپورت، اوی اجارهسی و آزیق-طعام کبی ضرور احتیاجلرینی قاپلش اوچون نقد پول یاردمی آلهدی.
بیاناتگه کۉره، یاردم بیامېتریک رۉیخطدن اۉتیش، حمایه بهالشلری و ضعیفلیکنی انیقلش جریانیدن سۉنگ بېریلهدی. بونده عیال باشچیلیگیدهگی عایلهلر، معلوللیگی بۉلگن شخصلر و یوقاری خوف آستیدهگی آدملرگه اولویت بېریلهدی.
شونینگدېک لایحه دایرهسیده ۷۷مینگدن آرتیق قَیتگن مهاجرلر و مېزبان جماعه اعضالری اوچون حمایه بهالشلری اۉتکزیلهدی؛
۱۱ مینگ عیال و قیز اوچون جندر اساسیدهگی مخصوص حمایه خدمتلری تقدیم اېتیلهدی؛ تۉرت مینگ ۴۰۰ نفر حمایهگه محتاج باله قۉللب-قوّتلنهدی.
بوندن تشقری، قَیتگن عایلهلر و ضعیف جماعهلر اوچون اقلیم اۉزگریشیگه چیدملی۸۴ ته دایمي اوی قوریلیشی هم قۉللب-قوّتلنهدی.
معلوماتلرگه کۉره، ۲۰۲۵-ییلده افغانستان کتّه مقداردهگی مهاجرلر قَیتیشیگه گواه بۉلدی و ایران همده پاکستاندن۲.۵میلیون کیشی مملکتگه قَیتدی.
خلق ارا تشکیلاتلر اېسه مهاجرلرنینگ قَیتیشی و خلق ارا یاردم نینگ کمهییشی سببلی افغانستاندهگی انسان پرولیک وضعیت تاباره آغیرلشهیاتگنینی تأکیدلهماقده.
