افغانستاندهگی بیرلشگن ملتلر تشکیلاتی یاردم ادارهسی سرپرستی جورجت گانیون، طالبان و پاکستان اۉرتهسیدهگی تۉقنهشوولرنینگ افغانستان اوچون جدّي انساني و اقتصادي ضررلر کېلتیریب چیقرگنینی بیلدیرهدی.
گانیون دوشنبه، ۱۸-حوت کونی بیرلشگن ملتلر تشکیلاتی خوفسیزلیک کېنگشی ییغیلیشیده بو تۉقنهشوولرنینگ کوچهییشیدن و اونینگ تینچ اهالیگه تأثیریدن خواطر بیلدیرگن، ایکّی تاماننی درحال نزاعلرنی تۉختهتیشگه و دیپلوماتيک آرقهلی حل قیلیشگه چقیرگن.
اونینگ قۉشیمچه قیلیشیچه، «بیز هر ایکّی تاماننی کېچیکتیرمهی صلحگه صادق بۉلیشگه و تینچ اهالینی حمایه قیلیشگه چقیرهمیز. شونینگدېک، افغانستانگه انسانپرورلیک یاردملرینینگ اېرکین آقیمینی تأمینلشنی ینه بیر بار سۉرهیمیز.»
جورجت گانیون شونینگدېک، ایران بیلن اوروشنینگ الّهقچان افغانستان حالتیگه تأثیر کۉرسهتگنینی ایتگن. او «افغانستان و پاکستان اۉرتهسیدهگی چېگرهنینگ یاپیلیشی بیلن ایران الترنتیب سودا یۉلینی یرهتدی، لېکن حاضرگی تۉقنهشوولر بو یۉلنی ناانیقلیککه اوچرهتماقده. افغانستانده اساسي تاورلر نرخی آشیب، بو ضعیف اقتصادگه باسیمنی کوچهیتیرماقده. منطقهدهگی بېقرارلیک افغانستان نینگ ایکّله اوزاق چېگرهسیده اونینگ برقرارلیگینی ضعیفلشتیرهدی.»
اونگه کۉره، افغانستاننینگ خلق ارا تیزیمدن چېتده قالیشی حلی هم اساسي معما بۉلیب، بو اقتصادي مستقللیک، خوفسیزلیک همکارلیگی، تروریزمگه قرشی مجبوريتلر، انسان حقوقلری و انسانپرورلیک بحرانلرنی تۉلیق حل قیلیشگه تۉسقینلیک قیلماقده.
جورجت گانیوننینگ سۉزلریگه کۉره، بو مسألهلر حل قیلینمسه، افغانستان ینه منطقوي و گلوبل بېقرارلیک منبعی بۉلیشی ممکن، کېنگ مقیاسلی مهاجرت، تروریزم، گیاهوند مادّهلر و باشقه معمالر آرقهلی.
او یوناما و خلقارا همکارلر طالبان بیلن دوحهدهگی جریان دایرهسیده ملاقات قیلگنینی و سیاسي-اجتماعي برقرارلیک همده چیدملیلیکنی قۉللب-قوّتلهگنینی تأکیدلهگن.
اما طالباننینگ افغانستاننی خلقارا همجعميتدن اوزاقلشتیرهدیگن سیاستلری اقتصادي مستقللیککه اېریشیشنی ضعیفلشتیرماقده.
گانیون طالباننینگ افغان اهالیسی اوستیگه مجبورن قۉیگن سیاستلری، خصوصاً قیزلر و عیاللر تعلیمی بۉییچه، اۉرته و اوزاق مدتده مملکتنینگ انسان سرمایهسی ضعیفلشتیریشینی، بو اېسه نهفقط عیاللرگه، بلکه برچه افغانستان خلقیگه جدّي ضرر یېتکزیشینی بیلدیرگن.
یوناما سرپرستی شونینگدېک، طالباننینگ افغانستان حکومتی خلق ارا مجبوريتلرینی تنلش اساسیده قبول قیلیشینی و اساسي تشویشلرگه یېترلیچه اعتبار بېرمسلیگینی قید اېتگن.
او عیاللرنینگ و قیزلرنینگ تعلیمینی دوام اېتتیریش تعقیقی نینگ و طالبان محکمه جزایی اصولنامهسینینگ قبول قیلینیشینی مثال قیلیب، طالبان رهبریتینینگ افغانستان خلقینینگ و جهاننینگ تشویشلریگه بېفرق اېکنینی کۉرسهتگنینی تأکیدلهگن.
گانیون طالبان نمایندهلرینی تروریزمگه قرشی جدّي اېکنینی بوتون دنیاگه اثباتلشگه کۉپراق حرکت قیلیشگه چقیرگن.
او، طالباننینگ داعشگه قرشی ثمرهلی حرکت قیلگنینی تن آلگن، اما افغانستان قۉشنیلرینی اېکسترېمیزم خوفی، خصوصاً طالبان بیلن باغلیق گروهلر بیلن باغلیق حالده، حلی هم خواطرگه سالهیاتگنینی بیلدیرگن.
جورجت گانیون افغانستان و پاکستان اۉرتهسیدهگی حل قیلینمهگن مسألهنینگ حاضرده ایکّی دولت چېگرهسیده فعال تۉقنهشووگه آلیب کېلگنینی، جملهدن افغانستان شهرلریگه هوا هجوملرینی اۉز ایچیگه آلگنینی ایتگن.
اونینگ قۉشیمچه قیلیشیچه، «عموماً آلگنده، افغانستاندن کېلهدیگن تروریزم تهدیدی حلی هم جدّي مسأله بۉلیب، خلقارا همجمعيتنی خواطرگه سالهدی و بیرلشتیرهدی.»
یوناما باشلیغی افغانستان حالتی کۉپ قیرّهلی معما بۉلیب، کۉپ قیرّهلی یېچیمنی طلب قیلیشینی و بیرلشگن ملتلر تشکیلاتی خوفسیزلیک کېنگشی همده اونینگ اعضا دولتلرنینگ تۉلیق اشتراک و قۉللب-قوّتلشینی طلب قیلگنینی تأکیدلهگن.
او بیرلشگن ملتلر تشکیلاتی خوفسیزلیک کېنگشیدن یوناما ادارهسی افغانستانده اوزهیتیریشنی سۉرهگن و اعضا دولتلرنی افغانستان بیلن ملاقات و یاردمنی دوام اېتتیریشگه چقیرگن.
