امریکا تشقی ایشلر وزیرلیگی افغانستاننی طالبان نظارت قیلهیاتگن دورده «ناقانوني حبسلر طرفداری دولتلر» رۉیخطیگه کیریتدی.
امریکا قۉشمه ایالتلری تشقی ایشلر وزیری مارکو روبیو بو بارهده بیانات بېریب «طالبان هنوز ترورچیلیک تاکیتیکیدن فایدهلنماقده و آدملرنی گرو یاکه سیاسي امتیازلر آلیش مقصدیده اۉغیرلشماقده. بو نفرتگه تۉله تاکیتیکلرگه برهم بېریلیشی کېرهک.» دېدی.
اونینگ قۉشیمچه قیلیشیچه «امریکالیک فقرالر اوچون افغانستانگه سیاحت خوفسیز اېمس، چونکه طالبان هنوز امریکالیکلر و باشقه خارجي وطنداشلرنی ناقانوني حبسگه آلیشنی دوام اېتتیرماقده.»
مارکو روبیو طالباننی دنیس کویل، محمود حبیبی و افغانستانده ناقانوني حبسده بۉلگن برچه امریکالیکلرنی درحال آزاد قیلیشگه و گرو دیپلوماتيکی بیلن شغللنیشنی بوتونلهی تۉختهتیشگه چقیردی.
طالبان افغانستانده حاکمیتگه قَیتگچ، بیر نېچه امریکالیکلرنی حبسگه آلیب، قماققه تشلهگن.
سۉنگگی تۉرت ییل ایچیده، امریکا بیلن مذاکرهلردن سۉنگ، طالبان حبسده بۉلگن بیر نېچه امریکالیکنی آزاد قیلگن، اما دنیس کویل، محمود حبیبی هنوز حبسده قالماقده.
طالبان دنیس کویلنینگ حبسگه آلینیشینی تن آلگن، اما محمود حبیبینینگ حبسینی رد اېتماقده.
