اسرایل اوردوسی آگاهلنتیریش بېریب، ایران خبرگان مجلسی اعضالری همده علی خامنهاینینگ احتمالي وارثی نشانگه آلینیشی ممکنلیگینی معلوم قیلدی.
بوگون (یکشنبه،۱۷ حوت) اعلان قیلینگن بیاناتده ایتیلیشیچه، ایران رژیمی علی خامنهای اۉلدیریلگنیدن کېین اۉزینی قَیته تشکیل اېتیشگه و ینگی رهبر تنلشگه حرکت قیلماقده.
بیاناتگه کۉره، «ایران خبرگان مجلسی، کۉپ ییللردن بېری ییغیلیش اۉتکزمهگن بۉلسه-ده، یقین کونلرده قوم شهریده ییغیلیشی کوتیلماقده»
اسرایل اوردوسی، «بیز سیزلرگه شونی اَیتماقچیمیزکی، اسرایل دولتی قۉلی هر قندهی وارثنی تنلش جریانیده قتنهشگن هر بیر کیشینی کوزهتیشده دوام اېتهدی دېدی»
اوردونینگ قۉشیمچه قیلیشیچه: «بیز وارثنی تنلش ییغیلیشیده قتنشماقچی بۉلگن برچه شخصلرگه آگاهلنتیرهمیز سیزلرنی نشانگه آلیشدن هم ایکّیلنمهیمیز. بو آگاهلنتیریشدیر»!
ایران رهبری علی خامنهای اۉتگن هفتهنینگ شنبه کونی امریکا و اسرایلنینگ ایرانگه قیلگن ایلک هجوملری پیتیده هلاک بۉلگن.
خامنهای اۉلدیریلگنیدن سۉنگ ایران وقتینچهلیک رهبریت کېنگشی توزدی، اما حاضرگچه اونینگ وارثینی تنلهی آلمهدی.
ایران اساسی قانونیگه کۉره، ینگی عالي رهبرنی خبرگان مجلسی تنلهیدی، بو مجلس دیني علمالر و سیاسي رهبرلردن تشکیل تاپگن.
