چیننینگ افغانستان بۉییچه مخصوص نمایندهسی یو شیائو یونگ طالبان تشقی ایشلر وزیری امیرخان متقی بیلن اوچرهشووده پاکستان بیلن کېسکینلیکنی کمهیتیریشگه چقیردی.
چیننینگ مخصوص نمایندهسی بوگون (یکشنبه،۱۷حوت) کابلده بۉلیب اۉتگن اوچرهشووده شوندهی دېدی، اونینگ مملکتی افغانستان و پاکستان اۉرتهسیدهگی موجود معمالر ملاقات و دیپلوماتیک آرقهلی حل قیلینیشینی ایستهیدی همده منطقوي برقرارلیک اوچون کېسکینلیک کوچهییب کېتمسلیگینینگ آلدینی آلیش کېرهک.
یو شیائو یونگ «چین بو مسأله بۉییچه پاکستان تامانی بیلن هم علاقهده بۉلیب توریبدی و ایکّی قۉشنی دولت اۉرتهسیدهگی کېسکینلیک کمهییشی همده اولر اۉز ارا مثبت مناسبتلرگه اېگه بۉلیشی اوچون حرکت قیلماقده»
طالبان تشقی ایشلر وزیرلیگینینگ معلوم قیلیشیچه، امیرخان متقی بو اوچرهشووده گروهنینگ پاکستاننینگ افغانستان ملي حاکمیتی و حدودي یخلیتلیگیگه قرشی یقینده عملگه آشیرگن هجوملری حقیدهگی موضعنی بیان قیلگن.
وزیرلیک بیاناتیگه کۉره متقی شوندهی، طالبان تۉقنهشوو اۉرنیگه معمالرنی تینچ یۉل بیلن حل قیلیشنی اوستوار دېب بیلهدی و کېسکینلیک درجهسینی آشیرمسلیککه حرکت قیلهدی، بیراق وطن و خلقنی حمایه قیلیشنی اۉز حققی دېب حسابلهیدی.
طالبان و پاکستان اۉرتهسیدهگی تۉقنهشوولر بیر هفتهدن آرتیق دوام اېتماقده و افغانستاندهگی تینچ اهالیگه کتّه ضرر همده تلفاتلر یېتکزگن.
تورلی قۉشنی و منطقه دولتلری هم بو ماجرا یوزهسیدن تشویش بیلدیرگن و کېسکینلیکنی ملاقات آرقهلی حل قیلیشگه چقیرگن.
