افغانستاننینگ سابق جمهور رییسی حامد کرزی کابلدهگی ایران اېلچیخانهسیگه باریب، علی خامنهای اوچون آچیلگن خاطره دفترینی امضالهدی.
ایراننینگ کابلدهگی اېلچیخانهسینینگ معلوم قیلیشیچه، کرزی بوگون (شنبه،16 حوت) توش پیتی اېلچیخانهگه تشریف بویوریب، علی خامنهای خاطره دفترینی امضالهگن.
حامد کرزی بوندن آلدین هم علی خامنهاینینگ اۉلدیریلیشی مناسبتی بیلن ایراننینگ «اۉرتاق دولتی و خلقی»گه همدردلیک بیلدیرگن اېدی.
سابق جمهور رییس، «او کیشینینگ افغانستان خلقی اوچون دایمي قۉللب-قوّتلشینی قدرلهگن حالده و ایراننینگ عزیز خلقیگه همدردلیک بیلدیرگن حالده، شهیدلرگه جنت، دۉست و برادر ایران دولتی اوچون اېسه تینچلیک، خوفسیزلیک و فراوانلیک تیلهیمن» دیگن اېدی.
علی خامنهای ایران رهبری، اۉتگن هفتهنینگ شنبه کونی امریکا قۉشمه ایالتلری همده اسرایلنینگ ایرانگه قیلگن هجومینینگ بیرینچی تۉلقینیده عایله اعضالرینینگ بیر قِسمی همده مملکتینینگ یوقاری مرتبهلی عملدارلری بیلن بیرگه اۉلدیریلگن اېدی.
