طالبان تشقی ایشلر وزیرلیگی، ایران رهبری علی خمانهای اۉلدیریلگنینی تیلگه آلمسدن، منطقه واقعهلری بۉییچه خواطر بیلدیردی
طالبان تشقی ایشلر وزیرلیگی سۉزلاوچیسی عبدالقاهر بلخی: «سۉنگگی سیاسي و خوفسیزلیک واقعهلری منطقهده مثلسیز ترنگلیکلرنی یوزهگه کېلتیردی و اونینگ اوزاق مدتلی سلبي عاقبتلری بوتون منطقهگه تأثیر کۉرسهتهدی» دېب یازگن.
اونینگ قۉشیمچه قیلیشیچه: «اسلامي امیرلیک (طالبان) ایرانگه نسبتاً اسرایل و امریکا تامانیدن باشلنگن و ایران تامانیدن فارس کۉرفزی دولتلریگه قرشی کېنگهیگن هجوملر طفیلی چوقور خواطرینی بیلدیرهدی».
تشقی ایشلر وزیرلیگی سۉزلاوچیسی شوندهی دېگن: «قبول قیلینگن پرینسیپلرگه کۉره، ملي حاکمیتنی آیاغ آستی اېتیش، حدودي یخلیتلیک و دولتلرنینگ حدودي چېگرهلرینی بوزیش، شونینگدېک، گناهسیزلرنی اۉلدیریش قارهلشگه لایق حرکتلردیر».
او، طالبان برچه تامانلردن «ملي حاکمیت و حدودي یخلیتلیککه حرمت بیلن و بحراننی ینه-ده کوچهیتیرمسلیک مقصدیده، درحال حربي حرکتلرنی تۉختهتیش و مسألهلرنی دیپلوماتیک یۉللر بیلن حل قیلیش»نی سۉرهگن.
امریکا و اسرایل اېرتهلب اېرانگه قرشی کېنگ قمراولی حربي هجوملرنی باشلهدی، نتیجهده علی خمانهای و اوشبو مملکتنینگ بیر قطار یوقاری مرتبهلی عملدارلری هلاک بۉلدی.
اوشبو هجوملردن سۉنگ، اېران امریکانینگ منطقهدهگی حربیقرارگاهلریگه، جملهدن سعوديه عربستانی، بیرلشگن عرب امیرلیگی، قطر، بحرین و عراقدهگی حربی مرکزلریگه راکت و درون هجوملرینی باشلهدی.
