طالبلر سۉزلاوچیسینینگ اۉرینباسری حمدالله فطرت، پاکستاننینگ هوا هجومی نتیجهسیده قندهارده افغانستانگه قَیتگن مهاجرلر اوچون تشکیل اېتیلگن وقتینچهلیک کمپ کمیده اوچ کیشی هلاک بۉلگنی و ینه یېتّی کیشی یرهلنگنی حقیده معلوم قیلدی.
اونینگ ایتیشیچه، اوشبو هجوم بوگون (شنبه،۹ حوت) اېرتهلب ساعت۸:۳۰ اطرافیده قندهارنینگ «تخته پول» حدودیده عملگه آشیریلگن.
طالبان سۉزلاوچیسینینگ اۉرینباسری، شونینگدېک، تیناوون کېچهسی پاکستان تامانیدن کنر ولایتی مرکزی اسداباد شهریگه اویوشتیریلگن راکت هجوملریده عیاللر و بالهلرنی هم اۉز ایچیگه آلگن یېتّی نفر تینچ اهالی هلاک بۉلگنی و ینه بیر تینچ فقرا یرهلنگنی حقیده ایتگن.
بوندن اوّل محلي منبعلر اطلاعات روزگه اوشبو هجوملرده تۉقّیز کیشی هلاک بۉلگنی و تۉرت کیشی یرهلنگنی حقیده خبر بېرگن اېدی.
طالبان سۉزلاوچیسینینگ اۉرینباسری، شونینگدېک، پاکستان نینگ ناری تومنیگه اویوشتیرگن راکت هجوملری عاقبتیده تۉرت کیشی هلاک بۉلیب، بېش کیشی یرهلنگنینی بیلدیرگن.
طالبان و پاکستان اۉرتهسیدهگی تۉقنهشوولر پنجشنبه کېچهسی اوشبو گروه نینگ پاکستان چېگره پُستهلریگه جواب هجومی بیلن باشلنگن و حاضرگچه دوام اېتماقده.
