چین تشقی ایشلر وزیرلیگی طالبان و پاکستان اۉرتهسیدهگی تۉقنهشوولر کوچهیگنیدن چوقور خواطرده اېکنینی و اوشبو تۉقنهشوولر عاقبتیدهگی تلفاتلردن افسوسده اېکنینی بیلدیردی.
چین تشقی ایشلر وزیرلیگی مطبوعات سۉزلاوچیسی مائونینگ بوگون (جمعه، ۸ حوت) اۉتکزیلگن مطبوعات انجمنیده چین ایکّی تاماننی هم وزمینلیک کۉرسهتیشگه، معمالرنی ملاقات و مذاکرهلر آرقهلی حل اېتیشگه همده امکان قدَر تېزراق تۉقنهشوولرگه یکون یهسهشگه چقیریشینی ایتدی.
اونینگ قۉشیمچه قیلیشیچه، چین اۉز علاقه کاناللری آرقهلی ایکّی تامان اۉرتهسیده واسطهچیلیک قیلگن و کېسکینلیکنی کمهیتیریش همده ایکّی مملکت اۉرتهسیدهگی مناسبتلرنی یخشیلش یۉلیده ایجابی رۉل اۉینشگه تیار.
چین تشقی ایشلر وزیرلیگی مطبوعات سۉزلاوچیسی، شونینگدېک، طالبان و پاکستاندن هر ایکّی مملکتده فعالیت یوریتهیاتگن چینلیک خادملر، لایحهلر و مؤسسهلرنینگ خوفسیزلیگی همده حمایهسینی تأمینلشنی سۉرهگن.
طالبان و پاکستان اۉرتهسیدهگی تۉقنهشوولر کوچهییشی آرتیدن بیر قطار دولتلر اوشبو وضعیتدن خواطر بیلدیرگن.
کۉپلب قۉشنی و منطقه مملکتلری کېسکینلیکنی زودلیک بیلن کمهیتیریشگه همده کېلیشماوچیلیکلرنی ملاقات و مذاکرهلر یۉلی بیلن حل اېتیشگه چقیرماقده.
