پاکستان اوردوسی افغانستانده طالبانگه قرشی آلیب باریلگن هجوملر نتیجهسیده اوشبو گروهنینگ۲۲۸ نفر اعضاسی هلاک بۉلگنی، ینه ۳۱۴ نفری یرهلنگنی حقیده ادعا قیلگن.
پاکستان اوردوسی بوگون (جمعه،۸ حوت) اعلان قیلگن بیاناتیده، شونینگدېک، طالبان بیلن بۉلگن تۉقنهشوولرده پاکستاننینگ۱۲ نفر عسکری هلاک بۉلگنی و ینه۲۷نفری جراحت آلگنینی تصدیقلهگن.
پاکستان اوردوسینینگ ادعا قیلیشیچه، طالبانگه تېگیشلی۷۴ ته نظارت پُسته یۉق قیلینگن، ینه۱۸ ته پُسته پاکستان کوچلری نظارتیگه اۉتگن.
افغانستاندهگی طالبان هم اۉز نوبتیده، اوشبو گروه هجوملری نتیجهسیده پاکستان نینگ۷۵ نفر حربيسی هلاک بۉلگنی و ینه۴۸ نفری یرهلنگنی حقیده دعوا قیلماقده.
مستقل منبعلر حاضرچه طالبان و پاکستان اۉرتهسیدهگی تۉقنهشوولرده یوز بېرگن تلفاتلر بۉییچه کېلتیریلگن رقملرنی تصدیقلهمهگن.
